Tura, June 2: Bilsi kolgrikmangna chatro-chatrirangko Trinity College Londonni porikkarangko seate bang·a chu·sokanirangko man·atahanina, Trinity College London, Tura Music Academyni Director Tengrang R. Sangmana Trinity Day 2025-o Vivanta Taj hotelo awardko on·angaha.
Tengrang R.Sangma chonmitingonin doka dam·anina gisik nanggipa ong·achim. Uni bilsi 13-mang ong·on ua St. Cecilia Choirkoba Turao a·bachengataha, jean da·o bilsi 27mangonaba ring·achi songsarna aro giljana dangdike on·pakuenga.
Indake ua A·chikrangoni skanggipa ong·e Delhi School of Music-ona re·ange Piano, Theory aro Compositionko poraie matchotchenggipa ong·a. Uni ja·mano ua adita bilsirangna Cambridge Universityni ning·o donggipa Pathways International Schoolo skigipani kamko ka·a baksana porikkarangkoba seaha.
Ua Delhi School of Music-oba , Trinity College London aro Associate Board of Royal School of Music (ABRSM)-ni porikkarangko see, vocal aro violinko skie on·a baksana bi·sarangkoba uni porikkarangko seataha. Ua dingtang dingtang manianirang jekai International Fashion Mania aro Prime Ministerni dingtang dingtang programmerangoba doka-dam·anirangko dakaha.
Iarang baksanaba bilsi 15mang skang DDk Channelo on·ronggipa Hindi Serial “Yaha Ke Hum Sikander”-ni sulrangkoba uan bikote on·gipa ong·achim. Ia pilak Tengrang Sangmani doka-dam·anio on·gilanina awardko man·na krachongmota ine Trinity College London-ni dilgiparang uko mitele aganaha.
Na·simang ia video-koba nina man·gen:
Na·simang iakoba poraina man·gen: North Sikkim-ni Army Camp-ko a·a rudapa; sak 3 sia, sak 6 gimaenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
