Tura, June 21: College of Community Science (CCS), Tura-ni Central Agricultural University (CAU)-ni ning·o pangna bilsi dakrongbaenga gita 10-gipa International Yoga Day-ko Sonibar salo maniangaha, jeon skigiparang, staff-rang aro chonchongipa bi·sarangba dongpae bak ra·angpaaha. Ia bilsio International Yoga Day-ko manina gita donsogimin katta bichongara “Unity in Well-Being Of all age group” ong·a, chong·motan dal·a chon·a pilakan Yoga-oniko namgniko man·a ama ine ong·achim. Ia tom·bimonganiko ong·atanichi, Yoga-ko ranta ka·aniara be·en bimangnasan ong·aigija gisiknaba namgniko on·a aro an·seng baljokani baksa dal·rorona dakchakanikoba mesoka.
Ia tom·bimongani mongsonggipa bakko College-ni Miltipurpose Hall-o ong·atangaha jeon Shraddha Karki Chetri Yoga session-ko a·bachengdilangaha. Ua maikai dingtang dingtang yoga-rangko kal·na nangachim uarang baksana rang·sitani ranta ka·anirangkoba mesoke on·angaha. Uasan ong·aigija, ia yoga-ko ranta ka·anichi maikai an·chingni be·en, rang·sitani aro taningko apsan kam ka·na dakchakachim uni bidingo talateba on·angaha. Ia yoga-ko ranta ka·aniara an·chingni be·enrangko nom·atna, gisik nanganiko bariatna aro gisiko tom·tomaniko ra·bana dakchaka.
College-ni Dean, Dr. Jyoti V. Vastrad, tom·aniona sokbagiparangna aganprakengon, poraianio aro janggi tanganio neng·nikanirangko man·enggiparangna chatro chatrirangna ia yoga namen gamchatbegipa ong·a ine ua janapataha. Be·enni gita aro gisikni gita an·seng baljokaniko man·a gita ua re·bagipa sakantikon salantio yoga kal·aniko ranta ka·chinaba didiataha.
Department Of Human Development and Family Studies-ni chalaienggipa Laboratory Nursery School-ba ia salko manianiko dakangaha. Skigiparangni dakchakanichi, chonchongipa bi·sarangba altubegipa yoga kal·anirangko dakangpaha. Dr. Vastrad, salanti dakrongbewal ranta ka·anio bi·sarangna yoga kal·aniko on·chapanina skigiparangko de·mitele aganengon, ian uamangni chu·gimik dal·roroanina aro namroro silroroanina namen nangchongmotgipa ong·a ineba ua janapataha.
Na·simang ia video-koba nina man·gen:
Na·simang iakoba poraina man·gen: Garo Hills-o matchurangko rim·srukanganirangko songni manderang rim·rika
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
