Tura, April 7: Wadanang dol, bon·kamgipa cricket kal·anio District Youth Sports Club Association (DYSCA) dolko 36 run-rangchi amatenba, Tura-ni District Cricket Association (TDCA)-ni 1st Division Inter Club Cricket title-ko cheaha.
Wadanang dol, skanggipa cricket kal·anio dokchenganiko seokenba, 25 overs-o wicket 9 gale 163 run-rangko man·aha. Cricket kal·anio robol dokchenggipa Rakrik Marak aro Koron Shira, 49 run-rangko man·enba doltangna namgipa a·bachengataniko on·angengon, Wilco Marak-ba rong 42 robolrangoniko 54 run-rangko man·e bon·kamaona kingking sigija kal·angaha.
Indake ong·engon, DYSCA, 127 run-rang ong·on kal·gipa sakantian sirikskaaha. Rong 31 robolrangoniko 39 run-rangko man·gipa Learypom, man·gimin score-rangko bariatna gita jotton ka·beahachim. Wadanang dolni, Manish Rai, 17 run-rango sak 4 wicket-rangko aro Waldo Sangma, 14 run-rango sak 3 wicket-rangko ra·skaaha.
Wilco Marak-ko uni chu·gimik cricket kal·anio name dakahanina Player of the Match-na seokako man·aha. Ia cheaniko man·e, Wadanang aro DYSCA dol gnian, ong·ataina sienggipa Super Division-ni kal·aniona doatako man·aha.
Na·simang ia video-koba nina man·gen:
Na·simang iakoba poraina man·gen: M’laya CM, Rhododendron ramako ja•achi re•anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
