Shillong, Apr 7: Meghalaya a•dokni Chief Minister Conrad K Sangma, saksa be•en bimangko an•senge rakkina gisiko nanggipa mandeba ong•e batanggimin somoirango a•dokni dingtang dingtang biaprangona ja•achi re•anirangko bang•en nikna man•aha aro Sombar salara Shillong songjinmao, Shad Suk Mynsiem-na chutti ong•ani gimin ia saloba ua, Upper Shillong-o donggipa Rhododendron ramako ja•achi re•angaha.
Ia ramako ja•achi re•anio konta 2 atamangni gita somoiko nanga indiba ia ramako re•anganio, ong•telaigipa biaprangni nitoani, gitcham biaprangko nikani aro rongtalgipa balwarangko man•ani gimin ian mandena an•saoataniko ra•bana man•a.
Ia Rhododendron ramako re•angani bidingo janapatengon, ia ramako skango British-rang re•na jakkalani gimin ia ramako re•angon, a•gilsak gimikni dakgrikanio jakkalgipa ostrorang, British-rangni rike donanggipa guarerang aro dingtang dingtang biaprangko nikangna man•a ine Chief Minister aganaha.
Ia Rhododendron ramara Shillong Peak-Upper Shillong Forest Reserve aro Shillong Rhododendron State Park-ni mitam biaprangko man•chapgipa rama ong•a aro da•o gita balkarini somoi sokahaode ia biaprango tangsekgilgil ong•an baksana, gitchakmrang, gitchak aro baringni rongrangchi a•bri gimikkon nitoata. Ia biaprangara, sam bolrang aro do•o matrangan gapgipa biapba ong•a aro ian Shillong songjinmana chi aro rongtalgipa balwako on•enggipa biap gitaba ong•a.
Ian namen gamchatbegipa biap ong•a ine janapatengon, ian songjinmani mongsonggipa biapon ong•a ine Chief Minister, a•doktangni manderangko aro gipin biaprangoni rona re•baenggipa manderangkoba ia biapona re•angchina didiataha.
Na·simang ia video-koba nina man·gen:
Na·simang iakoba poraina man·gen: Manipur Assembly Constituencyrangko delimitation ka·aniko political dolrang jegala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
