Tura, Oct 14: Executive Committee-ni membor ong•na gita ru•uta somoirangna dakgrikani ja•mano, Tura-ni ‘Hindu Shamshan Bhoomi Committee’, October 19 tariko election-ko ong•ate gitalgipa Executive Committee-ni memborrangko seokanggen.
Ia election-ko, Meghalaya High Court-oni ge•etaniko man•a ja•man, Tura-ni aro gipin jolrango donggipa Hindu jatrangonin gitalgipa memborrangko seokchina ong•atenga.
Indake ia election-o, tom•tome aro name matchotatna gita West Garo Hills a•jani Superintendent of Police Returning Officer ong•e aro District Magistrate-ba bilko man•pae nirokaniko dakanggen.
Ia election-na October 19 tariko pu•onanggen aro 21 tariko channaniko dakangskagen.
North Tura aro South Tura-ni Hindu voter-rang, pu•onani salo uamangni Epic Card ba Voter ID card-ko ra•e, uamangni polling station Tura Govt. College, Hawakhana aro Tura Bazaar sepango donggipa Police Public School-ona re•ange pu•onna nanggen.
Ia election-o President, Vice-president, General Secretary, Secretary, Joint Secretary, Treasurer ba Accountant aro unbaksana sak 15 executive memborrangko seokaniko dakanggen.
Hindu Shamshan Bhoomi Committee-ni gita gital memborrangko seokaniko dakrongachim, indake ong•genchimoba 2016-17 bilsirangni giseponi dipet ia election-ko ong•ataniko dontongataha aro 2021 bilsio ia election-ko ong•ataichina ku•rang on•ahani gimin, Tura Municipal Board-ni ia mande so•chakgipa biapko nirokchina 2021 bilsio election-ko ong•ataha. Indake ong•genchimoba bakrimenggipa Committee-ni memborrang, adhoc Committee-ni dongimin sal ba tarikrangko jetojaenba iani bidingo High Court-o badi ka•angskaaha.
Meghalaya High Court-ba adhoc Committee-ni ra•gatgimin niam rangko den•galataha aro ia election-ko ong•atchina rai on•atskaaha.
Indake iani gisepon, mande so•chakgipa biapona re•enggipa rama jang•kerang namen namjabeaha, asongchakanirang, ringani chi, bijoli, paikana dongjachim aro unbaksana mande so•chakgipa biapko o•rokgipa dongjani a•selo burung dikpripanirangko nikna man•skaenga.
Hub News baksa agangrikengon, ia Shamshan ghaat ba mande so•chakgipa biapna mang•mang court kachariona sokataniara namen kratchabeani ong•a, uamangni ka•sabegipa manderangko so•e gal•chakenggipa biaprangna politics kal•ani palo songsalni namgnina sakantian bakrime aro nangrime kam ka•ode nambatgenchim ine saksa mande aganaha.
Una agreba, October 19 tariko ua pu•ona re•angoba re•angjaoba iandakgipa election-ni bidingo pangnaba knakuja aro seokengode kakketgipa mandeko seokchina. Gipin a•dokrango mande so•chakram biaprangko namen nitoe taria aro iarangan mingsa dakmesokaniba ong•a jekon uamang ja•rikna nangenga ine sakgipin mande aganskaaha.
Unbaksana, Hindu Shamshan Bhoomi Committee-ni gisepo melina man•jani a•sel, ia mande so•chakram biapko taridapna chamatgimin gong lakh 45 tangkarangkoba walpilatna nangao ga•akaha ine u•ina man•aha.
Na·simang ia video-koba nina man·gen:
Na·simang iakoba poraina man·gen: HYC-ni General Secretary-ko mikkang pa•china okamanina Rynjah Police Station-ni kosako me•chik dolrang jegalanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
