Tura, April 12: “Find your passion, design your career” katta bi•chongko don•e, Tura-ni ICFAI University, career counselling program-ko ong•atangaha, jeon class 12-o poraienggipa chatro chatrirangko man•chape sak 210 chatro chatrirang aro under graduate course-rangko dakenggipa chatro chatrirangba bakko ra•angpaaha.
Tura aro Garobadha-ni bang•a skie ra•chakram biaprangoni principal-rang, skigiparang aro chatro chatrirang ia program-o bakko ra•angpaaha.
Program-ko ong•atanio, Tura ICFAI University-ni Advisor Viola Sonachi B. Sangma, janggi tangani cholko sandiengon an•tangni dakna namnikgipakosa am•na nanga maina unosa an•ching an•tangtangkoba ma•sibatna man•a ine aganangaha.
Meghalaya ICFAI University-ni Vice Chancellor Dr Alicia Gatphoh, chatro chatrirangni mikkangchi janggi tangani cholko baseanio rama me•soke on•ani nangchongmotani aro an•tangni gisiko jekon na•a dakna namnikbatachim uko gisik nangbate dakchina aganangaha.
Rtd, IAS Officer Asoke Tigidi aganangskaaha, jeon ua an•tangni chatro ong•miting somoio uni skie man•giminrangni gimin aganenba maikai ua an•tangni miksonganiko chu•sokatna nengnikanirangko chagrongna nangahachim uni gimin Technical session-o aganangaha.
Gnigipa session-ko, Tura Govt College-ni Principal gitcham Biana W Momin ra•angskaaha jeon ua chadamberangna lekka pora bidani banga ramarangko agane on•angaha. Poraimiting somoi-o jean nangna kusiniko on•a aro jeko na•a dakna ska ukosa seokna nanga ine aganangaha. Indake, namgipa University-rango man•a gita CUET entrance porikka seani gamchatani gimin aganangenba class 12-na poraiengon CUET-naba poraichina didiangaha.
Changgipa sapgipa skigiparang komiengani gimin aganenba, vocational training-ni gamchatani gimin ua talate on•angaha aro ia indakgipa vocational trainer-rangko a•jao nangchongmotengani gimin chatro chatrirangko vocational training-rangna re•angchinaba ua ku•patianirangko dakangaha.
Uandake, gittamgipa session-ko RBI-ni gitcham Chief General Manager ra•angskaaha, jeon ua banga janggintangani cholrangko aganangan baksana baikamgipa aro dal•rorona dakchakgipa kamrangni giminba u•iate on•angaha. Indake bon•kamao, ICFAI University-ni Associate Professor Dr. Surajit Sen agananiko dakangaha, jeon, ua chatro chatrirangko mikkangchi an•tangni dakna skani aro tarisamsoanirangko dakchina aganangenba, mikkangchi janggi tanganio mai ong•na ska ba aim in life ni gimin, chatro chatrirangko essay seataniko dakataha.
Na·simang ia video-koba nina man·gen:
Na·simang iakoba poraina man·gen: CAA-ni bidingo dilsretna jotton ka•ani gimin Congress youth leader-ni kosako badi ka•na agana
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
