Tura, July 1: Wachi kari sokahaon, a•jao dondikpilgija mikkang waanichi a•a ruani aro chi ban re•anirang ong•engahani gisepo, Tura-ni mingsinggipa aro nitogipa Gandrak Dare-ko, Sombar saloni dipet chipatna tik ka•aha.
Ia u•iataniko, Indian Meteorological Department (IMD)-ni gita adita salrangna jimbee mikka wagniko mikrakatani ja•mano, manderangko kenbegnioniko naljokatna aro Gandrak Dare-oni ontime jokongipa chiona sepange re•bagnioniko champengsona, Tura Municipal Board (TMB)-ni authority-rang u•iataha.
Ia Dare-ko, sorkarini gita nitobee taritaipilahachim, jekon, tourist-rang aro bang•a manderang nina gita re•baengachim, indake ong•genchimoba, jimbegipa mikkarang waani a•selo Gandrak Dare-oni ontime jokonbagipa chi namen dalaha, jean, a•a ruanina kenbegniba ong•engachim.
Adita bilsirangna skangba, wachi kario jimbee mikkarang waanichi ia dare-ni mikkangko re•enggipa rama be•gruahachim aro ia ramako sorkari taritaipilna adita bilsirangko nangahachim, indake ia apsandakgipa a•selrang ong•na kenchaksoe, somoirang namkujaenga dipetna ia Gandrak Dare-ko authority-rang chipatenga.
Na·simang ia video-koba nina man·gen:
Na·simang iakoba poraina man·gen: 2023 bilsio am•sandie nianio mang 21 gitalgipa rokkomni matburingrangko man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
