Tura, Feb 9: Babupara-o donggipa Tura Science Center, Garo Hills-ni sak 27 chatro chatrirangko science aro technology-ni gimin u•ianiko apalbatatna gita Robibar saloni a•bachenge antisana Science City, Kolkata-ona rimangenga, jeon uamang science museum-rang, industrial museum-rang, IIT-rang aro science show-rangko re•ange nianirangko dakanggen.
Bang•bata chatro chatrirangna ian skanggipa changna Meghalaya-ni a•palo science-ni gimin skie ra•na gita chol ong•an baksana skie ra•chakenggipa nokdringni a•palo gamchatbegipa skie ra•ani ba dake niani cholkoba on•ani ong•enga.
CM Youth Development Fund, West Garo Hills District Administration aro Center member-rangni on•gilanichi ia skie ra•na gita songreaniko ong•atenga.
Ia songreaoni re•bapila jaman, chatro chatrirang District Administration-na uamangni dake nibaani baksana skie ra•baani gimin report-rangko on•anggen.
Tura Science Center-ni Secretary Dr. Madhusudan Saha, ia songreani gamchatani gimin Hub news-na aganengon, “Ia songreaniara chatro chatrirangna science Institute-rang, gital technology aro am•sandigipa center-rangni gimin skie ra•na gita dakchaka. Museum-rang aro science show ba dakmesokanirang uamangni u•i ma•sianirangko tang•dobatatan baksana ka•dongani aro science-o mikkangchi janggi tangani cholrangkoba bariatna dakchaka. A•dokni a•palo bang•bata chatro chatrirangan science-ni gimin skie ra•a dongkujani gimin ian uamangna nambegipa cholba ong•aha,” ineba ua janapataha.
Songreanggipa chatro chatrirangni ma•a parangba ia ja•ku de•anina chakpaaniko on•angaha. Sunil G Momin minggipa pagipa saksa, ia songreani uni degipanasan dakchakaniko on•aijawa indiba ian chatro chatri sakantinan dakchakani onggen ine aganengon, uamangni mikkangchi namroro silroroani aro dal•roroanina ki•tapna agreba skie ra•aniko nangchongmota ine aganangaha.
1973 bilsio a•bachengatgipa Tura Science Center, tangka paisarang dongode bilsiantin iandakgipa skie ra•ani songreanganirangko ong•atronga.
Ia Center-ara India Sorkarini, Department of Science and Technology-ni ning•o donggipa New Delhi-ni Vigyan Prasar baksa bakrimgipa ong•a.
Na·simang ia video-koba nina man·gen:
Na·simang iakoba poraina man·gen: Tripura-ni tom·tomanichi investor-rangko salbaenga: Manik Saha
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
