Tura, Mar 25: Tura-o rongtal an·talgija cha·anirangko tarie palenganiko Hub News-ni parakata ja·man, West Garo Hills-ni Deputy Commissioner (Supply), a·jao dakenggipa restaurant, hotel, bakery aro rama sorok a·samrango cha·ani tarie palenggipa dokanrangko sandi nirokchina Monggolbar salo ge·etaniko on·ataha.
West Garo Hills-ni Joint Director of Supply-ni Food Safety-ni Assistant Commissioner-na u·iatani gitade, Tura-o cha·ani tarie pale cha·enggipa dokanrang bang·batan Food Safety and Standards Authority of India (FSSAI) ning·o register ka·kugijagiparang ong·a aro ian cha·anirangko pala sim·anio dakna nangchongmotgipa ong·a ine u·ina man·a.
Batanggimin somoio, rongtal an·talgijagipa babilsirango aro cha·ani tarichakgipa biaprango cha·ani tarichake pale sim·e cha·enganiko social media-o giproroaniko niksona man·aha aro ian manderangni be·enna aro an·sengbaljoke donganina kenchakbeani ong·a ineba nikna man·a.
Indake, iandakgipa kamrangni kosako FSSAI Act-o pangchake raka ja·kuko de·china aro niamrangko pe·aniko champengna gita somoi gita nirokaniko dakchina, Food Safety Officer ge·etaniko on·ataha.
Na·simang ia video-koba nina man·gen:
Na·simang iakoba poraina man·gen: Community Science College-o ong•atenggipa workshop-ko a•bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
