Tura, May 1: Batanggimin somoirango dumper truck garirangni skatang salanichi a•sel ong•anirangko nikna man•angani ja•man Budbar pringwalo, Tura-ni Bokmagre jolo, rama tarigipa company-ni a•tipo park ka•e donenggipa dumper truck gari bolgniko ma•sina man•gijagipa manderang so•chipe galskaaha.
Ia a•selni bidingo police-rangni u•iatani gitade, Mongolbar walni 9:30 bajimango dumper truck bolgittam, Tura-oni km 35-mang chel•ao donggipa quarry-oni re•bapile truck bolsao an•cheng gatna gita Bokmagre-o donggipa JSB-ni a•tipona sokeaha. Iani ja•man ia truck bolgittam, Tura-chipakna re•angengmitingo mande saksa ia garirangko Bokmagre petrol pump sambao champengsona jotton ka•aha. Ia truck garirang ua biapo neng•takon, ia truck garirangko ro•ong gona a•bachengaha indiba truck gari bolsade bakan an•pile gipin driver-rang baksa ua biaponi katangpilna man•aha.
Uni ja•man, ARSS JSB-ni manager, police-rangna kobor on•ataha aro bakan police-rang ua biapona re•bae, uamangni gariko thana-ona ra•angaha aro driver-rangkoba hospital-ona sanna bananiko on•na gita rimangaha.
Police-rang ia truck driver-rangko sanna gita hospital-ona rimangon, ua apsan dolni manderang, Bokmagre-o donggipa ARSS JSB a•tipona re•angskaaha aro ua biapo donenggipa dumper gariko so•chipe galaha.
Ia company-ni kamrangko nirokenggipa (supervisor) mandeni aganani gitade, police-rangni ua biapona re•ange driver-rangko sanna rimangon ua saksan a•tipo dongsoengachim indiba Budbar pringwalni 2:30 bajimango bike bolsa ua biapona re•baako niksoe ua kenenba buringchipakna katangaha. Ua biaponi ua gari bolsani re•baakoba niksoaha aro ja•mano uamangni petrol ruprakoba knaatna man•aha. Adita somoirangni ja•man ua tyre kamani bibako man•aha aro bakan garini wa•al ching•gaoakosa ua nikataiaha.
Koborko on•atani ja•man fire brigade gari ua biapona sokbae wa•alko kimiteaha ineba ia company-ni supervisor aganaha.
Ia a•selni bidingo ARSS JSB company police-rangna FIR ka•doangaha.
Iani bidingo West Garo Hills a•jani SP Dr Dara Ashwagosh, Hub News baksa agangrikengon, police-rang am•sandianirangko dakna a•bachengataha aro da•o adita sakkirangko man•engaha ine parakataha.
Dumper truck garirangni skatang salanichi ramarango a•sel ong•e mande sakgni ja•a be•na nangahani gimin badiaba dolni manderang ka•a ding•chaoe ia garirangko so•chipahakon ine police-rang chanchichipenga.
Na·simang ia video-koba nina man·gen:
Na·simang iakoba poraina man·gen: Agartala-o chadambe saksako gari ning•oniko goa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
