Agartala, April 30: Agartala-ni ning•o donggipa Usha Bazar area-o Durga Prasanna Deb, jekon Viki Dev ineba u•itokachim, ua mingsinggipa ge•sa club Bharat Ratna-ni secretary-ba ong•achim, uko songjinmaoni adita chelao donggipa biap Salbagan-o walni 8 baji mango goe so•otaha. Ua saksa bilo ong•enggipa BJP dolni dilgipaba ong•paachim.
Dos dakgipa mande sepangchapchap goani a•sel, Dev tang•gitik ua biapon sina nangao ga•akaha, jean NCC police station-ni area ning•o ong•achim.
Koborko man•a bikan, a•gipi batgipa police official-rang ua biapona maini a•sel goe so•otahachim uko u•ina gita sandirikitaniko dakna ta•raken re•angaha. Uni manggisiko songjinmani private hospital-ona sigimin manderangko donram biapona rimangaha.
Ia ong•a obostani bidingo, MLA gitcham aro niksenggipa BJP-ni dilgipa Dr Dillip Das, sianggipani nokdangni manderangna kal•impaaniko dakangaha aro dos dakgipa manderangko tarake rim•enba kakket bichalo ra•bachina gitaba aganangaha.
Police dolrango chu•gimik bilrang gnang, maina Skotong Minister aro a•dokni Home Minister, Tripura-ko drugs ba pekatgipa ring•ani gri aro criminals ba niamni kosako re•badegipa manderanggri ong•atgen ine ku•chakman•aha, ine Das Media-na aganangaha.
Durga Prasanna Deb-ni tang•gitik sianiara, ua jolo songdonggipa manderangko aiao inmanpile jagokatan baksana ka•a be•attokaha, uni ia club-na aro ua jolo songdonggipa manderangna ka•sae dangdike on•anirangko darangan gisiko ra•kamgen.
Walni 8 bajimango mikkang katipgipa mande re•baenba garini glass-ko doktikeaha, jensalo ua garini glass-ko tang•onataha dos dakgipa mande uko sepangchapchap ponggittam gulirangchi goaha, indake uko hospital-ona sanna bannaniko dakna gita rimangahachim indiba ua ramaon janggi galaiaha, ine West Tripura a•jani Superintendent of Police (SP) Dr Kiren Kumar, u•iataha.
Police dolrang dos dakgipa mandeko rim•na gita am•samdie nianirangko dakenga ine SP u•iatangkuaha.
Na·simang ia video-koba nina man·gen:
Na·simang iakoba poraina man·gen: Sonapur Tunnel sepangjolo a•a rudapaoni truck driver aro una dakchake on•enggipa sakgipin driver jenten joka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
