Tura, June 26: A•gilsakni gipin biaprango gitan International Day Against Drug Abuse & Illicit Trafficking-ko Sombar salo, West Garo Hills District Administration, Social Welfare department aro Addiction Treatment Facility nangrimenba, Tura-ni District Auditorium-o maniangaha.
Ia salko manianio Tura Baptist Mondolini gitcham Pamong Rev Wetterfield R Marak, mongsonggipa sokgipa ong•e bakko ra•angaha aro uni jinmana kan•dike aganprakanio ua, pekgipa samrangko jakkalani namgijanirangko tom•anio bak ra•giparangna aro mongsongbate chadamberangna agan-talate on•angaha.
Ia program-ko ong•atanio, West Garo Hills a•jani Deputy Commissioner Jagdish Chelani-ba dongpae jinmana aganprakengon, a•gilsak gimikon drugs ba pekatgipa samrangni a•sel neng•nikanirangko chagrongna nangtokengani gimin drugs-ni kosako warachakaniko United Nations General Assembly-on a•bachengataha ine parakangaha.
Ia program-ko ong•atanio dongpae bakko ra•anggipa gipin manderangara, West Garo Hills a•jani District Social Wefare Officer Hemaritha Ch Sangma, SDSEO aro Tura-ni Joint DMC Samuel Ch Marak aro gipinrang ong•a.
Iakoba poraie nina man·gen: M’laya-ko drugs-oni jakgitel ong·gipa a·dok ong·atna sorkari rake kam ka·enga: CM
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
