Tura, Dec 2: Adita salrangna skang, Tura Civil Hospital sambaoni joke katgipa Tura District Jail-ni koidiko Budbar salo police-rang rim•pilna man•aha.
South Garo Hills a•jao donggipa Siju joloni bilsi 21 ong•gipa Johnstar R Sangma, re•anggipa November 26 tariko hospital-ona sanna gita rimbaengmiting somoio joke katahachim ine nikna man•a.
Indake ong•engon, ia koidiko Budbar salpaksachibara police-rang, Tura Members’ Hostel sambao nikenba ja•mano rim•pilna man•aha ine u•iataha.
Ia koidiara South Garo Hills a•jao me•chik saksako drae til•ekanina da•o Tura jail-o done bichal ka•ako man•engachim ine nikna man•a.
