Tura, Oct 13: Tura-ni Hawakhana-o gital kuligipa LED bulb assembling unit-ko Sukrobar salo, Meghalaya a·dokni Chief Minister Conrad K Sangma kulie on·angaha.
Ia bulb assembling unit-ko GHE Impact Ventures Pvt Limited kulie on·aha aro iana a·dok sorkari, pilak nanganirangko dakchake on·aha.
Ia LED bulb assembling unit-ko kulie on·angani somoio a·dokni Chief Minister, tom·anio dongpagiparangna aganprakengon, ia assembling unit-ko kulianiara rongtalgipa bilrangko tarianio ja·ku de·chakatani ong·enga aro iana sorkari, a·doko songdongenggipa pilak manderangkon bakrimchina didienga ine parakataha.
Tura-o kuligipa ia LED bulb assembling unit-ara Meghalaya a·doko skanggipa ong·enga aro mikkangchi iandakgipa unit-rangko a·dokni dingtang dingtang biaprangoba kuliangkugen ineba Sangma aganaha.
A·doko bading chiwalenggipa manderangko didina gita a·doktango tarigipa bulb-rangko dingtang dingtang department-rango aro nokrango jakkalchina gitaba ua a·dokni manderangko didiangaha.
Ia LED bulb assembling unit-o kamko ka·na gita gimik sak 85 me·a aro me·chikrangko GHE Impact Ventures seokaha.
Iakoba poraie nina man·gen: East Garo Hills-ni dam 16 songrango JJM-ni kamrangko ma•mongni official-rang nianga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
