Williamnagar, Oct 13: East Garo Hills a•jani dam 16 songrango ka•enggipa ‘Har Ghar Jal’-ni kamrangko nina gita India sorkarini Jal Shakti Ministry-ni ning•o donggipa Drinking Water department-ni official-rang, re•anggipa October 9 tarikoni October-ni 14 tarikona East Garo Hills a•jaona re•baaha.

Ia official-rangra Dr Dinesh Chand aro Dinesh Kumar Upadhyaya ong•a aro Bristibar salo ia official-rang, East Garo Hills a•jani Deputy Commissioner Vibhor Aggarwal baksa tom•aniko ong•atangenba, Jal Jeevan Mission (JJM)-o nangchakegipa dingtang dingtang kamrangni bidingo agangrikangaha.

Deputy Commissioner baksa tom•e agangrikani ja•man ia official-rang, Daribokgre songona re•ange ua jolrango ka•enggipa JJM-ni kamrangkoba niangaha.

Iani bidingo Dr Dinesh Chand, Hub News baksa agangrikengon, uamangni East Garo Hills a•jaona re•baani miksonganiko talatangenba, uamangni nianggipa dam 16 songrango JJM-ni kamrangna ua an•tangni chu•ongnikaniko parakataha.

Iakoba poraie nina man·gen: A·dokoniko, sak 44 manderango dengue sabisiko rim·a man·a

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub