Shillong, May 4: Meghalaya Energy Corporation Limited (MeECL)-ni Chairman baksana Managing Director ong•enggipa Sanjay Goyal, mikka waanirang jamanchakanichi chi man•ani komibegenchimoba, re•baenggipa sal somoirango, bijoli chalaianiko dontongani dongjawa ine ku•rachakataha.
Hub News baksa agangrikengon, batanggimin somoio chong•motan, 2024 bilsini April 28 tariko, system-o chonbegipa a•sel ong•anichi, Laitkor-o bijoli chalaianiko dontongatna nangao ga•akaha aro ian bijolini silitingrangko bol be•dapani a•sel ong•rongbata ine ua aganaha.
Unbaksana, National Thermal Power Corporation Limited (NTPC)-ni gita chamatgipa 35 Megawatt bijoliko a•doko man•dapaha. Ia Megawatt-rangko skangode Uttarakhand-na on•achim jekon da•alo, Meghalaya a•dokna chamatskaaha ineba ua agandapataha.
Indake, re•baenggipa June jani skanggipa antirangni jamanoba chirangko komie man•kugen ine nikenba, bijoliko on•a man•a gita power banking-rangkoba tarisamsoaniko dakaha.
Model Code of Conduct-ko ra•galani bakan bijoli chalaiani cholrangko name chanchianiko dakanggen aro private sector-rangko bariatanio chu•sokgipa ong•na ka•dongsoenga ineba ua parakataha.
Na·simang ia video-koba nina man·gen:
Na·simang iakoba poraina man·gen: Kaliabor-o sorok a•sel ong•anio bilsi 6 ong•gipa me•chik bi•sa janggitangko gimaata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
