Shillong, May 18: Sukrobar salo, Meghalaya a•doko rikenggipa medical College-rangko rika cho•ani bidingo nipiltaianiko dakna inenba, Skotong Minister Conrad K Sangma-ni tom•bimonganiko ong•atanio, Shillong Medical College-ko 2025 bilsini September jaoni dipet chalaina a•bachengatgnok aro 2026-27 bilsirangni gisepo, Tura Medical College-ko chalaignok ine Health Minister, Ampareen Lyngdoh parakataha.
Indake Lyngdoh, ru•utgijan Uttar Pradesh-o dam 6 medical College-rangko rikna ma•mong sorkarini ge•etgimin modelko nina gita re•anganikoba dakanggen.
Kobor ra•timgiparang baksa agangrikengon, Tura Medical College-ko rika cho•ani kamrangko nirokaniko dakna re•angon, 2026-27 bilsimangni gisepon ia college-ko chalaina man•gnok ine Lyngdoh aganaha.
Rika cho•ani kamrangko nirokaniko dakengon, uamang namen kamrangko ka•enga, indake ong•engon adita neng•nikanirangba gnang jekon, Skotong Minister, PHE aro PWD baksa tom•e chanchirimaniko dakenba namdapataniko dakangaha ineba ua janapataha.
Shillong Medical College-ko rika cho•ani kamrangko nipilaniko dakon, mikkangchi maming champenganirang ba neng•nikrang dongjagenchimode, 2025 bilsini September jaoni dipet ia college-ko chalaina man•gnok ineba ua janapdapataha.
Indake, faculty-ko rikani bidingo niatengon, skigiparangni nangchongmotgipa neng•nikanirang jekai, kragipa skigipa doctor-rangko kamo rakkianio doctor-rangni service rules-ko namdapatna nanganirangan ong•achim, jedakode, skigipa aro skigijagipa doctor-rangnaba ma•mong sorkari modelko tarina man•gen ine Lyngdoh aganaha.
Una agreba, Shillong-o rikenggipa medical college-rangko, NMC dolni gita re•baenba nambate nirokaniko dakna nanggen ineba Minister janapataha.
Captain Williamson Sangma State University-ko NEHU baksa chaprimatgenchimoba somoirang ru•ute nangengani gimin, a•dok sorkarini nirokenggipa gipin University baksa chaprimatskaaniko dakgen aro iani bidingo, dingtang dingtang Doctor-rang baksa agangrikaniko dakaha aro Doctor-rang jemangan sipairangna dangdike on•ahachim, uamangko skigipani kamko ka•na janape nianikoba dakanggen ineba ua u•iataha.
Indake, iani bidingo Skotong Minister ma•mong sorkari baksa chanchirimaniko dakanggen aro gitalgipa sorkariko rikahaon, chingni miksonga gita pilakan chu•sokgenchimode, mikkang bilsi 2025 bilsioni dipetan ia medical College-ko matchotagnok ine a•dokni sakanti manderangna ua ku•rachakanikoba on•ataha.
Ri-Bhoi a•jao donggipa USTM-o medical College-ko rikna janapaniko niatengon, PA Sangma International Hospital jean PPP model ong•achim, uko rikanioba namen ta•rake kam ka•enga ine nikna man•a. Ia college-koba bakan chalainasiengaha, indake ong•genchimoba, MoUs soi ka•grikanio aro adita gipin dakna nanggnirang matchotsrangkujaenga aro je somoio ia MoUs soi ka•grikanirang matchotahaon, a•dokni chatro chatrirangna mongsongbate seat-rangko on•enba chalaina a•bachengatgnok ine Lyngdoh parakataha.
Na·simang ia video-koba nina man·gen:
Na·simang iakoba poraina man·gen: Bang•a Political party-ni dilgiparang BJP-o bakrimgen: AL Hek
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
