Shillong, Oct 13: Meghalaya a·doko, mongsongbate Garo Hills a·jani a·kawe jolrangoniko da·odipet sak 44 manderango dengue saako rim·a man·aha aro ia sabisiko man·e saksa siangaha.
Sianggipa mandeara West Garo Hills a·jaoni me·asa ong·achim, jean hospital-ona rimbae sanengmitingo dengue saa bilongahani a·sel siangna gita nangaha.
Dengue saako rim·a man·ani gimin a·dokni Health minister Ma Ampareen Lyngdoh, da·odipet ia sabisini giprorogniko uamang champengna gita man·enga aro manderang iana kenjagokna nangjawa, indiba a·dokni mande sakantian amadipet champengsoani cholrangko dakna gita nangskagen ine aganenba, a·dokoni saoba ru·uta salrangna fever saengode, somoi gita sana-bananiko on·na gita sambabatgipa testing centre-ona re·ange porikka ka·e niechina gitaba Ma Lyngdoh, sakantinan agan-ku·pattianiko on·angaha.
Iani bidingo, mija October 12 tariko saksni manderangko porikka ka·e niangdapgipaoni mangmang sakgnioniko ia sabisiko rim·a man·aha.
“Dengue sagipa manderangna chinga nanga gita chu·gimik sananirangko on·aha, iani gisepon sabisini mamla a·doko giprorodapjawaha ine chinga ka·donga, maina October 3 tarik dipet sak 44 manderango ia sabisiko rim·a man·engpiti aro iarangara mikkarang aro chi-banarangni a·selba ong·na man·aia,” ine Ma Lyngdoh agandapataha.
Indake ong·genchimoba, dengue sabisioni naljoke dongna gita on·gimin niamrangko ja·rikchina health department, a·dokni pilak a·jarangna mikrakataniko on·anga baksa, iako nirok-sandianio songrangko aro songni-nokni dilgiparangkoba bak man·ataha aro case-rang naon gong·rake kamrangko ka·china medical block officer-rangnaba ge·etaniko on·manaha.
Iakoba poraie nina man·gen: Assam-ni me•chik saksa bilsidokni ja•man Indian Citizenship-ko man•a
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
