Tura, Aug 13: A·dipek aro a·dimurang tang·chichapile chakka samgnigipa motorcycle-ko a·palo salsusaatgipa Bilgaro 2W Rally, mija Sonibar salo nambee matchotangaha aro pilak susagiparangoni nambatgipako basee seokgimin rider-rangni bimingrangkoba apsandake parakatjolaha.
Ia bilsini bike rally-ko saksa biker aro iandakgipa susaatanirango bakko ra·na gisiko nanggipa Diego R Marak-ni kamrangko gisik ra·na gita dingtangmancha una on·kangmanchae ong·atangaha.
Ia rally-ni bon·kamgipa salo, South West Garo Hills a·jani Mahendraganj-ni MLA Pa Sanjay A Sangma, mongsonggipa sokgipa ong·e bakko ra·angani gisepo, Diego R Marak-ni ma·gipa-pagipaba ia salsusaatanio dongape bak ra·anganichi rally-ko mikkim gnangdapatangaha.
Mija Bristibar saloni Rongkhon-o a·bachengatgipa motorcycle salsusaatgipao Garo Hills -onisan ong·aigija Khasi Hills aro Assam a·dokrangoni rider-rang gimik sak 18 mangni gita bakko ra·e susaangtokaha. Uandake, ia susaanio skanggipa biapko Dean Grozier G Momin man·aha jenan, Trophy baksana, Hero Xpulse 4V Bike aro Certificate, medalko on·angaha, gnigipako Khasi Hills-oni Meban Aiboklang Suiam man·angskaaha, aro unaba Trophy baksana, gong hajal 60,000 tangka aro Certificate, medalko on·aha, gittamgipao Brando Marak chegipa ong·aha jenan Trophy baksana, gong hajal 30,000 tangka aro Certificate, medalko on·aha. Apsandake, brigipao chegipa Paominthang R Vaiphei aro bongagipa Walmat B Marak –maangnaba Trophy baksana, Certificate aro medalrangko on·angaha.
Boksisrangko ra·chakani ja·man, skanggipao chegipa Dean Grozier G Momin, ia rally-o bak ra·e gisikni kattarangko Hubnews koborna agananganio, susagiparangoniko nambatgipana seokako man·ani gimin an·tangni kusi ong·aniko parakangenba, iana skangrango susaarangoni da·anpakan namen rakbatgipa ong·aniko janapatan baksa, re·baenggipa bilsioba apsandake bakko ra·angtaipilna kusi ong·soenganiko ua parakangjolaha.
Unomiting, Tura Motorsports Club (TMSC) ni secretary, Aneesh M Sangma, ia rally-ni mongsongbatgipa chong·motan, chakka sambrigipa garirangko salsusaatani Bilgaro 4W 2023-ko ia bilsini bon·achibara TMSC-ni ong·atskagniko parakangaha.
Iakoba poraie nina man·gen: M’laya-o NEP ra·gataniko UDP-ni secretary-ba nangnikpaa
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
