Tura, Jan 26: Sukrobar salo a·songni chang 75-gipa Republic Day-ko Tura-ni Matchakolgre LP School kal·chakramo manianio 120 Bn CRPF, 2nd MLP Battalion Goeragre, Tura DEF, NCC, Scouts & Guides aro 2nd MLP Battalion Goeragre-ni Band Party-ko man·chape gimik dol 12 parade ka·giparang bak ra·angaha.
Parade ka·susaanio nambatgipa Scouts & Guides baksana NCC dolrangnaba trophy-rangko on·angaha.
Ia salko manianio dol 13 sorkari department-rangba re·jome, an·tangtangni kamrangko jinmana mesoke on·angaha (tableau) aro tableau mesoksusaanio skanggipa boksisko Tura Municipal Board (TMB), gnigipako DCIC aro gittamgipa boksisko District Election Office man·aha.
A·songni Republic Day-ko manianio, dingtang dingtang sipairangna aro sorkario kam ka·enggipa manderangnaba uamangni kamrangna dingtangmancha mittelpilani certificate-rangko on·angaha.
Ia salko manianio cultural program-koba ong·atangaha aro ia cultural program-ko ong·atanio skanggipa boksisko Tura Public School, gnigipa boksisko Captain William’s School, aro gittamgipa boksisko Dokaku Cultural Club man·angskaaha.
Republic Day-ko maniani bak gita dingtangmancha TMSC, Bilgaro Republic Run 2024-ko ong·atangaha aro ia Republic Run ba katsusaaniko a·dokni Chief Minister Conrad K Sangma-ni jakchi a·bachengate on·angaha.
Ia manianio Garo Baptist Convention (GBC)-ni gitcham padot Roderick D Shira-na dingtangmancha Lifetime Achievement Award-ko on·angskaaha.
Iakoba poraie nina man·gen: Nagaland-ni koila cho•chakram biapo, a•a rudape sak 6 sia
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
