Tura, Mar 13: Tura-o skanggipa changna Shooting Association of West Garo Hills (SAWGH)-ni Tura Don Bosco Higher Secondary School-o a•bachengatgipa 10 M Indoor Shooting Range-ko Budbar salo, Tura-ni MP Agatha K Sangma, kulie on•angaha.
Ia 10 M Indoor Shooting Range-o rifle pong 1 aro pistol ponggni baksana ge 3 automated target-rang donga aro iano skie on•timgipa (coach)-ba donga.
Ia Indoor Shooting Range-ko kulie on•anganio Tura-ni MP, jinmana aganprakengon, da•ororoni bi•sarangna gital changa sapani, gital nika niani aro gital cholrangko mesoke on•na nangengani gimin aganangenba, Tura-o skanggipa changna ia Indoor Shooting Range-ko a•bachengate on•ahani gimin SAWGH dolko mittelpilangaha.
Ia bilsio skanggipa changna Meghalaya Games-ko Tura-o sokachakanichi Garo Hills-ni chadamberangba dingtang dingtang kal•susaanirangko nike ra•pana aro bak ra•pana gita cholrangko man•aha ine janapatengon, Tura-o ia Meghalaya Games-ko ong•ate dingtang dingtang kal•chakram biaprangkoba rike on•ahani gimin Agatha, Meghalaya a•dokni Chief Minister Conrad K Sangma aro Sports department-ko mittelpilangaha.
Ia Indoor Shooting Range-ko kulie on•angani somoio Tura Municipal Board-ni Chairman JD Sangma, Tura Don Bosco HS School-ni Principal Fr Threnius N Sangma aro gipinrangba dongpae bak ra•angaha.
Na·simang ia video-koba nina man·gen:
Na·simang iakoba poraina man·gen: Garo Hills-o bading chiwalgiparangna CM Elevate-ni tom•aniko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
