Tura, July 25: Sombar attamo, Tura-ni Mini Secretariat-o ACHIK aro dingtang dingtang dolni dilgiparang baksa Chief Minister-ni tom·e agangrikengmiting somoio rang·gitik ro·ongrangko goe so·sojengjeng ong·atanio jak donganina police-rang, BJP Mahila morcha-ni dilgipa sakgniko man·chape gimik sak 18 manderangko rim·na man·aha.
Koborko on·ani gitade, rim·ako man·gipa BJP Mahila morcha-ni me·chik sakgni baksana Trinamool Congress (TMC)-ni dilgipa sakgniba, so·sojengjeng ong·atna gita manderangko didianio jak dongachim indiba da·o dipet TMC-ni dilgipa sakgnide kate dongenga.
Rim·ako man·gipa BJP Mahila morcha-ni dilgipa sakgniara Belina M Marak aro Dilche Ch Marak ong·a aro uamangko police-rang Sombar walon rim·na man·aha.
Indake ong·engon, so·sojengjeng ong·atna gita manderangko didigipa mande saksakode video-rangoniko nikrikna man·ahachim aro ia mandeara TMC-ni Salseng R Marak ong·a ine ma·sina man·aha.
Kobor on·timgiparangni u·iatani gitade, ia mandeara Selsella-oni ong·a aro ua GHADC election-o Siju-Baghmara joloni UDP tikitchi susaahachim indiba chu·sokgipa ong·na man·jaha.
Ia mande, Tura Dakkopgre-o donggipa Doordarshan TV tower samba jolo nok para ra·e dongenga aro ia bilsini Assembly election-oba ua Selsella-oni susana gita Congress tikitna dorgasto galahachim ine kobor on·aha.
Election-o Congress-ni tikitko man·rikjae ua TMC-o napskaaha ineba kobor on·aha.
WATCH:
Iakoba poraie nina man·gen: Mi-misi aro ma·manti nanggipa bosturangko gate Guwahati-oni re·chakatanggipa bostu salgipa rel gari, Manipur-ni Khongsang station-ona sokea
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
