Tura, Oct 10: Mongolbar salo, World Mental Health Day-ko maniani bak gita West Garo Hills a•jani District Mental Health Programme-ni gita dingtangmancha tom•aniko Tura-ni District Auditorium-o ong•atangaha.

Ia program-ko ong•atanio Tura-ni United Christian Academy, Christian Boys Secondary School aro Riverdale School-o poraienggipa chatro chatrirangna drugs ba pekatgipa samrangko jakkalani namgijani aro mental health ba gisikni gita an•seng baljoke dongani bidingo dingtang dingtang official-rang agan-talate on•angaha.

Ia program-ko ong•atanio Don Bosco College-ni chatro chatrirang, mental health-ni bidingo dakmesokangaha aro West Garo Hills DMHP-ni Clinical Psychologist Narbecca G Momin, gisikni gita tik ong•gijagipa manderangna on•gimin bilrangni bidingo agan-talate on•angskaaha.

Ia program-ko ong•atanio chatro chatrirangna agan-talate on•anggipa gipin manderangara, Tura Civil Hospital-ni ning•o donggipa Addition Treatment Facility-ni Counsellor Amesa Chesrame S Sangma, DMHP-ni Psychiatric Social Worker Bilrak D Marak aro gipinrang ong•a.

Ia program-ko ong•atani bidingo DMHP-ni Clinical Psychologist Narbecca G Momin, Hub News baksa agangrikengon, manderangna gisikni gita an•seng baljokaniko on•na gita uamang, dingtang dingtang gittimrango, skulrango aro dingtang dingtang dolrangnaba mental health camp-rangko ong•ate, agan-talatanirangko on•na jotton ka•enga ine parakataha.

Iakoba poraie nina man·gen: World Bank-ni official-rang baksa KHADC-ni Executive Committee tom•a

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub