Tura, Sep 28: Bristibar salo, World Rabies Day-ko Tura Dakopgre-o donggipa District Animal Husbandry & Veterinary Office-ni conference hall-o maniangaha aro ia salko manianio dingtang dingtang skulrango poraienggipa chatro chatrirang aro skigiparang bakko ra•angtokaha.
Ia program-ko ong•atanio West Garo Hills a•jani District Veterinary Officer (DVO) Dr AR Marak, Garo Hills-ni Joint Director Dr CD Sangma, Medical & Health Officer Dr Flora NT Sangma, South West Garo Hills a•jani DVO Dr AM Momin aro dingtang dingtang officer-rangba dongpae bakko ra•angaha.
Ia tom•anio Medical & Health Officer Dr Flora NT Sangma, Rabies sabisini bidingo jinmana talate on•angengon, ian kenbegnigipa indiba chel•chakna man•gipa sabisi ong•a aro India a•songba Rabies sabisiko man•batsranggipa a•songrangoni damsa ong•enga ine parakataha.
Rabies sabisiko sanna banani cholrang dongjani gimin ia sabisina namen simsakbena gita nanga ine manderangko mikrakatengon, da•ode West Garo Hills a•jaoba ia sabisiko porikka ra•e nina gita bosturang dongaha ine Dr Sangma parakataha.
Rabies sabisiko chel•chakani cholrangni bidingo talate on•angskaengon, noko jilenggipa achak menggorangko tika su•e ra•china aro achak ba menggorang chikon, ta•raken matgipa pariko jokenggipa chi rongtalachi su•galchina aro bakan hospital-ona re•ange niam gita tikarangko su•e ra•china Dr Sangma didiataha.
Ja•mano ia World Rabies Day-ko maniani bak gita dingtangmancha chatro chatrirangna Quiz competition-koba ong•atangaha.
Iakoba poraie nina man·gen: Gokulgre-o Banana Fest-Poshan Maah-ko ong•ata
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
