Shillong, July 17: U Tirot Sing-ni siaoni bilsi 189 gapaniko maniengon uko India gimikni gita mongsonggipa mandeni gadangona ra·dochina aro uni noksako Parliamentni hallo donchina gita a·dokni BJP dol Ma·mong Sorkario dabiaha.
Uasanja, uni noksako postage stampo donchina gita Postal departmentko skang salrangonin mol·molbaenga aro skulni ki·taprangoba uni golpoko see skichina dabiani gnang.
U Tirot Sing-ni siani salko BJP dol dal·been Shillong songjinmao mania baksa a·dokni dingtang dingtang bakrangoba ong·ataha. President Susuki Pariatni dilanichi State Mahila Morcha aro youth President Mebaker Lyngdohni dilanichi BJYM, State Central Libraryo U Tirot Sing-ni mangkromko tarie dongipao bibalrangko donaha. Uni ja·mano songjinmako rongtalatani kamrangko ka·jole U Tirot Sing-ni bidingo manderangna u·i-ma·siatna kamrangkoba ka·aha.
Na·simang ia video-koba nina man·gen:
Na·simang iakoba poraina man·gen: West Bengal-ni canal ba dongge-oniko Sikkim-ni gitcham minister-ni manggisiko man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
