Shillong, June 30: Ge·sa bill-ko ra·gatanichi a·songo songdongenggipa pilak jatnan apsan niamko ra·gatna miksonge ma·mong sorkarini chanchie ra·baenggipa Uniform Civil Code (UCC)-ko jegalsoengon, ia bill-ara India a·songko dingtangmancha miksongani gnang rikbaengani kosako ong·skaa ine National People’s Party (NPP)ni padot aro a·dokni skotong minister Pa Conrad K Sangma, Sukrobar salo aganangaha.

Iani bidingo Sombar salo program ong·atgipao bakko ra·ani ja·man kobor ra·timgiparangna aganangengon, “India-ara dingtang dingtang jatrang brine dongenggipa a·songsa ong·a aro iachisa an·chingni a·songna bilak-mangrakanikoba on·enga ine aganangan baksa, beben mikkangchi mai ong·gen aro maidakgipa bill sokbagen an·ching agansona man·ja, aro bebegita sokbagenchimoba draft-o gnangrangko nichenggijade bill-ni gimin chu·gimikko talatna gita man·jawa ine Pa Sangma parakataha.

Meghalaya a·doko me·chikko nokna ra·ani aro gam-jinko nokni me·chikan man·rikgipa ong·aniko toe aganangengon, Pa Sangma, ia niamkon an·ching chasongrangna ja·rikbaenga aro ian an·chingni bil ong·a aro iako dingtangatnade man·chongmotjawa aro ge·sa political party ong·e salgro-salaram gimikon dingtangmancha ja·rikbaenggipa dakbewalrang-rikbewalrang donganiko chinga ma·siani gimin, ia niamko apsandake mikkangchiba ja·rikangkuaniko chinga nangnika, ine ua agandapataha.

Pilak jatrang brine dongenggipa a·song ong·ani gisepon, UCC bill-ni miksonganiara dingtangskaani gimin ia niamara India a·songni kosako ong·chongmotaniko NPP dol nikna gita man·enga, ineba ua agandapataha.

Indake ong·engon, songsalo, aro pilak political dolrangoni ia niamko raken jegalsotokengoba, Prime Minister Pa Narendra Modi-chi rikdilenggipa ma·mong sorkari, a·song gimiko UCC-ko ra·gatna gita Parliament-o re·baenggipa monsoon session-na tom·anio bill-ko jinma chanchirimaniona ra·badrana gita miksongskaenganiko nikna gita man·enga.

Iakoba poraie nina man·gen: Nongpoh-ni Bethany Hospital-o Peritoneal Dialysis-ko chu•sokata

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub