Nongpoh, Mar 6: Ri-Bhoi a•jani ning•o ong•gipa Mawlyndep-ni Mowsohroh-o donggipa, Catholic Missionary-rangni nikrokaniko dakenggipa buringko jekon ‘Rympei Arrupe Jesuit Novitiate’ ine mingachim, uko u•ina man•gijagipa manderang wa•al so•prake donangaha.
Ia a•sel, Mongolbar attamni 5:00 bajimango ong•aha aro 7:00 bajimangni somoio, bilongbate wa•al ching•chaaha.
Indake ong•engon, Rympei Arrupe Jesuit Novitiate-o training-na dongenggipa brother-rang krenge jotton ka•anichi ia wa•alko kimitna man•aha aro wa•al kamangenggipa biaprangoniko wa•al kimitna gita bolni bijakrangko uamang jakkalaha.
Indake, brother-rangni aganani gitade, u•ina man•gijagipa manderang ua buringni ka•magipa bako wa•al so•ataha jeni a•selan kosakona wa•al giproroangaha.
Unbaksana, ia wa•al salpaksani bakon kamna a•bachengna nangani giminsa buringni chubatgipa biapona attamni bako ia wa•al kambaaha ineba uamang janapataha.
Ri-Bhoi a•jaoni kobor ra•timgiparang, bakan Umiam Police Station-ona ia a•selni gimin koborko u•iataha aro uni bakan, Umiam-ni Fire Emergency Service, wa•alko kimitanio dakchakna gita ua biapona sokangaha.
Indake ia obosta ong•anio darangba saknaatako man•jaha inenba u•ina gita man•a.
Na·simang iakoba poraie nina man·gen:CAA ni bidingo Modi chingko namnikatna man•ode, chinga jegalaniko dakjawa : Assam Congress-ni dilgipa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
