23.2 C
Tura
spot_img

CAA ni bidingo Modi chingko namnikatna man•ode, chinga jegalaniko dakjawa : Assam Congress-ni dilgipa

Must read

Guwahati, March 6: Mongolbar salo, Assam Pradesh Congress Committee (APCC)-ni President Bhupen Kumar Borah, Prime Minister Narendra Modi baksa agangrikaniko dakna chitti kingsako seatahachim indiba da•o dipet mamingba koborrangko man•sokuja inenba ua parakataha.

Advertisement

Prime minister-na uni seatgipa chittio ua aganrikaniko dakna Assam ba Delhi-o grongna man•gen ine janapataha aro grongna man•genchim ong•ode, ia Citizenship Amendment Act (CAA)-ko Assam a•doko ra•gataniko maini gimin namnikjaengachim, uarangni bidingo talate on•genchim. Ia CAA-ko ra•gatanichi maming dakeba a•dokni manderangna neng•nikani dong•jawa batesa Assam a•dokni manderangna namgni ong•gen ine Prime Minister chingna ka•dongataniko on•e chingko bebe ra•atna man•gen ong•ode, chinga jegalaniko dakna chanchisoaniko don•tonggen” ine ua kobor ra•timgiparangna u•iataha.

Advertisement

“Chinga dol 16 party ni dilgiparang pilakan a•dokni Governor ni gita President na lekka sedoatman•aha indiba da•o dipet mamingba kobor dongkuja. Bebegita Prime Minister chingna agangrikna somoiko on•jaode aro chingni ku•rangko knachakjagenchim ong•ode, chingade jegalaniko dakana agre chol dongjaha” ine Borah aganangaha.

Advertisement

Ma•mong sorkarini CAA-ko election-na skangan ra•gatgen ine kobor ko man•soa bakan All Assam Students Union (AASU), CAA-ko ma•manti jegalaniko dakna u•iataniko on•ahachim, indake ong•genchimoba bang•a chatro chatrirangan porikka ong•engani gimin dontongatna nangao ga•akaha.

Assam a•dokni Skotong Minister Himanta Biswa Sarma ni u•iatani gitade, ia CAA-ni bidingo darangba jegalgipa da•o dipet dongkujaenga aro jemangan ia niam ra•gataniko namnikjaengachim, uamang Supreme Court-china re•ange jegalaniko dakchina janapataha.

Na·simang ia video-koba nina man·gen:

Na·simang iakoba poraie nina man·gen:Nambate sandirikitaniko dakna IIT Guwahati, Canada aro Japan University baksa bakrima

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

spot_img

More articles

spot_img
-->

Latest article