Tinsukia, May 8: Assam police aro chelchakgipa dolrang apsan bakrimenba, niamgri silchidarerangko badingsrukgipa ULFA-1-ni member gitcham Dhan Bora-ko, Tinsukia a•jani ning•o donggipa Dhoomdhooma minggipa biaponiko rim•aha.
Ia bakrimgimin dolrang, koborrangko man•soenba, walni somoio Dhoomdhooma-ni ning•o donggipa Kordoiguri Borgorah-o uni dongchakram nokoniko am•sandie nianiko dakataha, jeonikon Bora-ko silchidarerang aro slai gulirang baksa rim•aha.
“Am•sandie niani somoio, bang•a niamgri kam ka•ani chongmot sakki-rangko nikna gita man•aha, aro unbaksanaba rim•a man•gipa mandeoniko American Pistol ge•sa baksana rong chi•gni slaini gulirangkoba man•aha,” ine police official saksa u•iataha.
Bora-ko rim•ani, ian Assam a•doko niamgri silchidarerangko aro slai gulirangko badingsrukaniko bon•atna ja•ku de•anio mongsonggipa aro dal•bea chu•sokani ong•enga. Aro iasan ong•aigija ian, a•dok police-rangni a•dok chigako chelchakani aro a•doko songdong a•chaenggipa manderangko tom•tom ong•e rakkianio an•tangtangko on•kange kam ka•anikoba me•soka.
“Chinga ia niamgri silchidarerangko badingsrukani bidingo am•sandie nianirangko gimikni gitan nianiko dakenga. Ia rim•a man•gipa mande, silchidare-rangko badingsrukgipa daldalgipa dolrang baksa bakrime kamrangko ka•engakon ine chinga chanchichipenga,” ineba police official u•iatangkuaha.
Na·simang ia video-koba nina man·gen:
Na·simang iakoba poraina man·gen: Tripura-o petrol, diesel-rang chu•ongjae neng•nikaniko man•tokenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
