Shillong, May 4: Meghalaya a•dokni Skotong Minister Conrad K Sangma, PHE-ni officialrang, Urban Affairs Department aro Meghalaya Basin Development Authority-ni dongpaanio, Shillong-ni Um Jasai-o donggipa chirongdikko, Sonibar salo niangaha.
Ia ran•begipa kario, a•dokni dingtang dingtang bakrango namen chi komiani a•sel neng•nikanirangko man•enga ine nikna man•a.
Indake, Skotong Minister, a•dok gimiko chirangni komibeengani a•selko u•ina man•a gita tom•e chanchirimaniko dakani jamano, ia chirongdikko nina re•angaha.
Meghalaya-o, gipin a•dokrangna bate, bang•bate mikka waaniko man•genchimoba, ia ran•kario Shillong songjinma aro a•dokni gipin songjinmarangoba neng•nikaniko man•engaha.
Skotong Minister Conrad K Sangma, batanggimin bilsio, chiring chibisik, chimik aro chibimarangko ripinge rakkianio, sorkari gitalgipa ja•kurangko de•aha aro ringani chiko man•a amgipa ong•atna inenba dingtang dingtang project-rangni ning•o kamko ka•enga ine aganaha.
Indake, chiko on•a man•a gita dal•dalgipa rika cho•ani project-rangko kam ka•genchimoba, chirongdik aro chiring chibisikrangko naljoke ripinge rakkianioba kamko ka•enga.
“An•ching chiring chibisik ba uandake chibimarangko gital dake ripingna nanga aro man•a dipet rain water harvesting-rangko dake chirangko chimonge dona nanga” ua aganaha.
Um Jasai-ni chi chimongchakgipa biapona re•ange niahaon, chi namen komiaha ine nikna man•aha aro sorkarini gita, ia obostarangko namdapatna bang•a sandirikitanirangko dakenba naljokani cholrangko aro ja•kurangko de•engaha ineba ua agandapataha.
Unbaksanaba, mikkangchi chirangko chimonge rakkina man•a gita dam-rangko kaengaha ine aganan baksa, chiko ripinganio an•tangtangan daiko ra•giparang ong•na nanga aro noktangtangon chiko name simsake jakkalna nanga ineba ua sakantikon didiataha.
Una agreba, chirangko naljoke aro ripinge rakkina man•a gita, chirongdik aro chiring chibisik sepangjolrangniko, ong•telaigipa gamrangko bikotna on•jawa ineba Skotong Minister janapataha.
Na·simang ia video-koba nina man·gen:
Na·simang iakoba poraina man·gen: Ri Bhoi a•jao kam ka•e cha•enggipa Non-Tribal-rang lekkarang dongja ine matnanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
