Shillong, May 17: Meghalaya a·doko mikkarang nanga gita wakujaengani a·sel a·doko mongsongbatsranggipa hydro-electric power project-rangoni damsa Umiam Dam-o da·o chirang dongangsrangjaengaha aro chirang ta·raken chonroroangengahani gimin bijoli bikotanioba neng·nikanirangko man·na nangengaha.
Meghalaya a·dokni Power Minister AT Mondal-ni u·iatani gitade, Umiam Dam-o chi tu·ani da·o feet 3165-san ong·aiaha aro ian ia dam-ni itihaso chonbatsranggipa ong·aha.
Hydel project-ko chalaianio chirang nanga gita tu·na nanga ine janapatengon, Umiam Dam-ni chi da·o feet-sarang komiangkuhaode ia Umiam dam ba hydel project-ko chipna nangao ga·akgnok ine Mondal parakataha.
Indake ong·engon, da·o dakenga gitan Tura aro Shillong-o konta 8-na bijoliko kimitangkugen aro a·dokni gipin biaprangode salo konta 10-na bijoliko kimitangkugen ineba Power Minister parakataha.
Wachi sokahaosa ia pilak neng·nikanirangko namatna man·aignok ineba ua aganaha.
