Shillong, Apr 8: Robibar attamni 2 bajimango, Umiam Lake-o ring bikpile chikkopani jaman, pagipa saksa an•tang janggiko gimaatna nangao ga•akaha.
Ia pagipa, Ri-Bhoi a•jani Kiewkyrdem-oni bilsi 39 ong•gipa Mahamsing Sten ong•achim. Ua uni bilsi 10 ong•gipa depante aro gipin sak 4 manderang baksa, picnic cha•na inenba Umiam Lake-ni paksaona ringo chobatangengachim.
Indake ong•engmitingon, ta•rakbegipa balwa baldapani a•selo uamangni choangenggipa ring bikpilenba chikkopaha, jeni a•selan ua ringo gadoenggipa sak 6 gimikan chio ga•akaha. Indake, uamangoni sak 5-ko jokatna man•ahaoba, Sten chiningchi ning•tuen napsripangaha.
Adita ru•uta somoirangna am•sandiani jamano, uni manggisiko, State Disaster Response Force (SDRF) aro ua jolo songdongenggipa manderangni dakchakanichi, Sombar pringni bako nikna man•aha.
Indake, uni manggisiko Umiam Police Station-ona ra•angchengenba, uni nokdangni manderangna pakwatataha.
Na·simang ia video-koba nina man·gen:
Na·simang iakoba poraina man·gen: Tura Football League Super Division-ko ong•atenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
