Shillong, Feb 20: Umiam-Umrynjah dolong gita mal gatprete salenggipa truckrangni kosako niam gita bichal ka·ani donggen ine Deputy Chief Minister in-charge Transport, Sniawbhalang Dhar parakataha.
Ua dolong gita nangana badepile mal gate truckrangko salengani bidingo Mawlai-ni MLA Brightstarwell Marbaniang Assemblyo katta naataha.
Sniawbhalang Dhar-ni aganchakani gitade, ua dolong gita badita jrigipa garirangko salna on·ani ong·gen uko tik ka·china gita PWD Roads-ni Chief Engineerna Deputy Commissioner seachi u·iatmanaha.
Walni bako ua dolong gita mal gatprete salgiparang donga ine ia jani 12 tariko Sunjuk ki San Dorbar Shnong, Deputy Commissionerna agane on·aha.
Ua dolong gita badita jrigipa garirangko salna on·gen uko PWD Roadsni Chief Engineer tik ka·e on·ahaode bangki kamrangko Deputy Commissioner ka·atna man·gnok, aro niamko manigijagiparangko sorkari bichal ka·gen ine Sniawbhalang Dhar aganchake talataha.
Na·simang iakoba poraie nina man·gen: Darechikgre-o gital rikgipa Tourism-ni nokrangko mongma nisie gala
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
