Boko, Jan 07: Umshek songni manderang, Umshek Picnic Spot-ko January jani 10 tarikoni 20 tarikona chong•motan sal 10-na dikdiksana chipatgen ine parakataha.
Assam-Meghalaya sima ari sepango donggipa Umshek Picnic spot ian mingsingbegipa biap damsa ong•a jekon ong•telaigipa nitoanirang, a•brirang aro Gijang chibimana u•itoka. Ian Guwahati-oni 80 km aro Boko Assam-oni 20 km mangni chel•ao ong•a aro ian Meghalaya a•dokni West Khasi Hills a•jao donggipa song ong•a.
Mongolbar salo, media baksa agangrikengon, ia bilsi uamangni annual religious meet ba toromni gita tom•bimonganiko Umshek songo ong•atanggen inenba songoni saksa Ellakish Sangma u•iataha. Ua Assam-ni manderangko sal 10-na ia picnic spot-ona re•bapajachina mol•molatenba, 2025 bilsini January 21 tariko jinmana ia picnic spot-ko kulipiltaie on•gen ineba parakataha.
Ronth Sangma minggipa apsan songoni saksa, Assam aro Meghalaya a•dokni dam 20 songrangni manderang ia toromni gita tom•bimonganiona re•batokgen aro gipin songrangoni re•bagiparang picnic cha•enggipa biapon dongchakna gita nanggen uni gimin ia biapko dikdiksana chipatna gita nangenga, ine talataniko dakangskaaha.
Na·simang ia video-koba nina man·gen:
Na·simang iakoba poraina man·gen: 50 Bn BSF dolrang Seemanto Chetna ingipa cultural program-ko Kalaichar-o ong•atanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
