Shillong, April 20: Bristibar salpaksachibara Ri-Bhoi a·jani Umsning-ni ning·o donggipa Mawpun Khsaid minggipa songo, Maruti 800 gari baksa chatinggrikani ja·man to salgipa gari bolsako wa·al kamaha ine koborko man·soaha.

Koboro janapatani gitade, ian to salangenggipa garini agre ta·rakdugae salanganichi mikkangchini re·bagipa gari baksa chapekgrike a·sel ong·na nangao ga·akaha. Indake ong·oba, a·sel ong·ani bidingo koborko on·atani somoiona kingkingde ia obostao darang saksaba maming saknaa man·gijaniko knasona gita man·aha aro bakan Umiam-ni Fire department, a·damona sokeani ja·man wa·al kamgopenggipa gari bolgniko chi rukimite galna gita man·srapaha.

Unomting, gariko wa·al kamchichaengoba, sambao donge nigiparangni man·atangtang gita noksarangko aro video-rangko ka·e ra·tokaniko nikna gita man·skaaha.