Tura, Mar 6: ‘Intangible Cultural Heritage’ ine katta bichongko donenba, UNESCO aro Royal Enfield dolni gita A·chikrangni dakbewal rikbewalko jawilwat tarina a·bachengataha.

‘Great Himalayan Exploration’ minggipa project-ni ning·o India a·songni dingtang dingtang biaprangoni bike salgipa saksku manderang, Local Line Producer-rang aro gipin kam ka·giparang baksa A·chikrangni daka rikanirangko nie ra·na gita Garo Hills-ona re·baaha aro uamang Garo Hills-ni dingtang dingtang biaprangona wenroroe, A·chikrangni daka rikanirangko video ka·e ra·angaha.

Ia manderang, Sadolpara-ni Songsarek songrangona re·ange songni manderang baksa agangrikeaha aro Buripara, Babadam songrangonaba re·ange chu bitchi tarianiko nie ra·angaha. Uamang Gondenggre songonaba re·ange Wangala chrokaniko nie ra·angaha aro Sasatgre songonaba re·ange, A·chikrangni mi bijak song·anirangko nie ra·angaha.

Ia project-ni bidingo Royal Enfield dolni membor saksa Keagan D’Souza, Hub News-na agan-talate on·angengon, re·baenggipa chasongni manderangba A·chik jatni gimin aro jatni dakbewal rikbewalrangko ma·sie ra·na man·na gita uamang A·chikrangni itihasko segatna Garo Hills-ona re·baaha ine parakataha.

Ia dolni manderang, batanggimin bilsignini gisepo salgro salaramni dingtang dingtang biaprangonaba re·ange, dingtang dingtang jatrangni gimin itihasko tariaha ineba ua aganaha.

“Salgro salaram jol gimiko Garo Hills-on nitobatsranggipa biaprang donga aro iano ramarangba nambea. Nambatgipa bakde Garo Hills-ni manderang, sokachakanio namen jaksramgiparang aro bamgiparang ong·a,” ine D’Souza aganaha.

Apsan daken, ia dolni me·chik saksa Dimple Singh-ba Garo Hills-ni nitoanina namen aiao inmananiko parakataha.

Delhi-oni re·bagipa journalist-rangba ia dol baksa salgnina bak ra·angpaaha aro Wangala chrokaniko nie ra·angaha. Uamang Chandigre Resort-onaba re·ange, A·chikrangni ba·ra dokaniko nie ra·angaha.

Salgro salaram a·dokrangko nie ra·angani ja·man ia Royal Enfield dolni manderang, a·songni gipin biaprangonaba wenangkugen aro uamangni ka·e ra·anggipa video-rangko social media-rango mesokatenba, uamangni ka·e ra·anggipa noksarangko website-rango aro a·songni dal·dalgipa a·songrango ong·atenggipa exhibition-rango mesokatgen.

Na·simang ia video-koba nina man·gen:

Na·simang iakoba poraie nina man·gen: Two associates of radical sikh leader serving time in Assam prison admitted to hospital

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020