Tura, April 29: Mongolbar salo, Union Tribal Affairs Minister, Jual Oram, Meghalaya-ni Tura jillao Tribal Welfare aro Development Scheme-ni kamrang baditana kingking matchotaha uarangko nipiltaiani tom·bimonganiko ong·atangaha. Ian Prime Minister Narendra Modi-ni Salgro Salaram jolo donggipa a·dokrangona minister-rangko watatna miksongani bak gita ong·a.
Ia tom·bimonganio mongsonggipa program-rang jekai PM-JANMAN, Eklavya school-rang, tribal scholarship-rang aro National Social Assistance Programme-rangni bidingo official-rang chanchirimaniko dakangaha. Namroro silroroani darangnan namgniko on·a nanga ine aganengon, ua official-rangko jolo songdonggipa manderang baksa bang·bate agangrikan baksana apsan nagrime kamrangko ka·china Oram u·iatangaha.
Songni manderang jolo nambata sana banani aro lekka pora bida nangchongmotaniko mesokenba nursing college-ko dabiangaha jeni giminan uamang chanchirimanikoba dakangaha. Sepangjolo donggipa songrangona re·ange nienba, ua manderangni chagrongenggipa chong·mot neng·nikanirangko nikna gita man·aha ineba Oram janapataha.
Meghalaya a·doko songdongenggipa tribal manderangna dakchakaniko on·a gita ma·mong aro a·dok sorkariko gisiko nangbate apsan kam ka·china didiani baksa ia tom·bimonganiko matchotataha.
Na·simang ia video-koba nina man·gen:
Na·simang iakoba poraina man·gen: SSLC porikkao teng•sugipa Nongalbibra skulni chatro chatrirangna mande ra•pilskaaniko daka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
