Guwahati, Oct 12: October 12 tariko kobor-o man·soani gita, Arunachal Pradesh-o adita salrangonin mikka jime waanichi Brahmaputra chibima ditdobae Upper Assam-ni damgittam district-rango chi banachi aro a·a ruanichi manderang neng·nikaniko man·aha.

Assam State Disaster Management Authority (ASDMA)-ni ui·atani gita, Dhemaji-ni ning·o donghipa song dam 46, Dibrugrah aro Lakhimpur District-rango bang·bate neng·nikaniko man·enga aro ua jolo donggiparang gimik sak hajal 34 dongachim. October 11 tarikni attam 5 bajimango Brahmaputra chibima 105.17 metre tang·doaha aro 105.70 metre sokdoahaode kenchakbatna nangani ong·enga ine ASDMA official-oni ui·ataha.