Shillong, Jan 25: Locality Beautification and Enhancement Competition Program ning•o chamgimin project, Urkaliar-o napchengani cholguga aro pakma tarigiminko, Sonibar salo oprake on•angaha.
Ia project-ko East Khasi Hills a•jani Deputy Commissioner RM Kurbah, district officer, songko nokko dilgiparang aro Urkaliar-o songdonggipa manderangni dongpaanio oprake on•angaha.
2024 bilsini October jao gong 4,64,709 tangkarangko, ua jolko nitodapatna, rongtal an•talatna aro naljokgipa biap ong•atna miksonganio Urkaliar Dorbar Shnong-na chamataha.
Indake, ia napchenggipa cholguga ko aro pakmako football kal•chakram biap sepango tariaha aro una skang ia biapan kragija kamrangko ka•chakram aro jabol galchakram biapsa ong•achim.
Songni Nokma aro Secretary Shnong, Samkhamti Diengdoh-ni dilanichi chalaienggipa Dorbar Shnong Urkaliar-ko uamangni songsalko nitodapatna kam ka•ahanina, Deputy Commissioner mitelpilskaaniko dakangaha. Unbaksana, sepangbatgipa gittimrang jekai, Nongmensong, Demseining, Umpling aro MES baksa bakrime, kragija kamrangko ka•gipa aro jabol galdam biap ong•atjana gita chel•chaksona aro chiringrangko ripinge rakkina man•a gita apsan ku•cholsan kam ka•china didiangataha.
Chiring chibisikrangko ripinge rakkina aro drugs jakkalaniko bon•atna sorkarini rake kam ka•enganiko janapengon, gittimtangtangko rongtal an•tale rakkina, an•seng baljokgipa ong•na aro naljoke rakkina man•a gita an•tangtangni dai ine ra•e kam ka•china dingtang dingtang dolrangko Deputy Commissioner didiangaha.
Na·simang ia video-koba nina man·gen:
Na·simang iakoba poraina man·gen: Matburingrangko so•ote badingsrukgipa M’laya-ni mande saksako Assam Forest Department rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
