Shillong, Mar 19: PA Sangma International Medical College & Hospital (PIMC)-ko chalaina gita University of Science & Technology Meghalaya (USTM)-ni sudgri gong crore 200 tangkarangko ra•srona bi•aniko da•o dipet a•dok sorkari chanchia dongkuja ine Meghalaya a•dokni Health Minister Ampareen Lyngdoh talataniko on•angaha.
Iani bidingo BJP-ni matnanganirangna aganchakaniko on•angengon, loan-ko ra•ani bidingo da•o dipet USTM-oni bi•anisan sokbakuenga aro loan-ko on•gen ba on•jagen, iani giminde sorkari chanchia dongkuja ine Lyngdoh, talataniko on•angaha.
Iani bidingo sorkari chanchiahaon, jinmana u•iatgen ineba Lyngdoh, ku•rachakaniko on•angaha.
Health Minister-ni parakatani gitade, da•o dipet a•dok sorkari, PA Sangma International Medical College-ko chalainasan USTM-na No Objection Certificate (NOC)-ko on•engkua aro una agrede maming loan ba uandakgipa dakchakanirangko on•na miksonganirang dongkuja.
Meghalaya a•doko private medical college-ko kulianiara a•dokni chatro chatrirangnan namgni ong•gen ineba Lyngdoh aganaha.
Na·simang ia video-koba nina man·gen:
Na·simang iakoba poraina man·gen: Blue Tigers dolrang, Shillong-o ong·atenggipa FIFA International Football match-o susaanggen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
