Dehradun, Mar 2: Re·anggipa Sukrobar pringo, Indo-China sima sambani Mana batange, Border Roads Organisation (BRO)-ni rama tarienggipa sak 54 manderangko suri rurongdapanio mande siani gimik saksni gapaha ine kobor on·aha.
Ia a·sel ong·anio gimakuenggipa mande sakbriko sandianio sakgittamni manggisiko Robibar salo man·dapaha aro uandaken da·o ia a·sel ong·anio sigiparang gimik saksni gapengaha.
A·bachengode, ia biapo kam ka·giparang gimik sak 55 donga ine kobor on·ahachim indiba uamangoni saksa Sunil Kumar minggipade, ia a·sel ong·na skangan noktangona re·ange, ia a·seloni jokaha ine district administration official-rang u·iataha.
Ia sak 54-oni sak 46-kode suri rurongdapaoni konta 36-ni ja·man Sonibar attamchibara jokatna man·aha aro sakgittamni manggisikode Robibar salo man·aha ine official-rang u·iataha.
Ia a·sel ong·anio, kam ka·giparangoni sakbride ua biapon so·otako man·ahachim.
Jokata man·gipa manderangkode Army aro Air Force-ni sipairang helicopter-rango, Mana Post-oniko Joshimath MH-ona ra·angaha aro sanna bananirangko on·enga ineba official-rang u·iataha.
Na·simang ia video-koba nina man·gen:
Na·simang iakoba poraina man·gen: Jowai bypass-ko rikani jabolrangko skatang galenga ine NGT-ni songgipa committee u•iata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
