Shillong, Feb 8: India a·songo Uttarakhand a·dokan Uniform Civil Code (UCC) Bill-ko pass ka·chenggipa a·dok ong·aha aro da·o Uttarakhand a·doko UCC Bill-ko pass ka·ahani gimin bia ka·anio, jik-se galgrikanio, gam-jinrangko man·rikanio aro uandakgipa dingtang dingtang kamrango pilak jatrangan apsan niamkon ja·rikanggnok.
Indake ong·genchimoba, ia niam Scheduled Tribe (ST)-rangnade nangeani dongjawa ine janapani dongskaaha.
Re·anggipa bilsirangonin Meghalaya a·dokoba dingtang dingtang dolrang aro a·doko songdongenggipa manderang, ia UCC-na kenchaksoanirangko paraktokengahachim indiba da·o Uttarakhand a·doko ra·gatgipa niamko nigenchimode, a·songni pilak biaprangon UCC-ni niamrang ST-rangnade nangeani dongskajanaba gnang. Indake ong·genchimoba, da·o dipet iani bidingo agansona man·kujawachim.
Meghalaya a·dokara Tribal aro Kristian a·doksa ong·ani gimin UCC-ko ra·gatna nanggenchimode a·doko songdongenggipa manderang namen neng·nikanirangko chagrongna nangtokgnok ine bang·bata dolrangan, kenchaksoani paraktokahachim indiba da·o dipet UCC-ni draft bill-ko nikkujaengani gimin a·dokni Chief Minister Conrad K Sangma-de iani bidingo mamingkoba aganna jechakskakuengachim.
Indake ong·genchimoba, da·o Uttarakhand a·dokni UCC Bill-ko jinmana mesokengahani gimin pilakan iani bidingo an·tangtangni chanchianiko aganpana chol man·gnok.
Uttarakhand a·doko da·o UCC Bill-ko pass ka·ahani gimin pilak jatrangan apsan niamrangkon ja·rikgnok indiba Uttarakhand a·doko dingtang dingtang Scheduled Tribe-rang, jekai Jaunsari, Bhotiya, Tharus, Buksa, Raji, Jad aro Banrawat gita dakgipa jatrangba dongani gimin ia jatrangnade UCC-ni niamrangara nangchakeani dongjawa.
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
