Tura, Mar 3: Varsity Week 2025-ko maniani bak gita, A•chikrangni kal•rongbaenggipa ‘Wa•pong Sika’ aro ‘An•ding Oka’ kal•susaaniko Tura-ni ICFAI University-o Sombar saloni ong•atenga.
Varsity Week-ko manianio dingtang dingtang kal•susaanirang baksana, dakmesokani, jatni kal•susaani, sea jotani aro gipin dakarikanirangkoba dakangaha. Iarangni gisepo A•chik jatni kal•susaanio mongsongbate chatro chatrirang bak ra•aniko nikna man•enga.
Wa•pong Sika, ian tug-of-war kal•susaani baksa apsan dakanggipa ong•a. Indake, Wa•pong Sika kal•susaanio buduni pal wa•pongko jakkala aro an•tangchina salpakani palo mikkangchina sikdoskaa. Ia kal•susaaniko Nokpante-o A•chik pante damberang kal•susagrikronga. Indake An•ding Oka kal•susaanio, wa•ako kan•dike stonge jakkalskaa aro saksa sakgipin baksa ia wa•kantongko salgrika aro jean an•tangchina salpakna man•a uan chegipaba ong•gen.
Ia jatni kal•susaanina agreba, chess, carrom, throw ball aro marathon-ko ong•atangaha.
Indake, ia tom•anio mongsonggipa sokgipa, ICFAI University Tura aro Shillong Campus-ni Vice Chancellor, Dr. Alicia Gatphoh, poraianirang baksana kal•susaanikoba kal•na nanga aro iandakgipa cholrangko ra•anichi Meghalaya Games, National-level-o susaani aro una batgipa susaanirango bak ra•na chol ong•naba gnang ine chatro chatrirangko didiataha.
Na·simang ia video-koba nina man·gen:
Na·simang iakoba poraina man·gen: Assam-oni drugs badinggipa sakgniko Manipur-o rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
