Tura, Mar 22: A•gilsakni dingtang dingtang biaprango gitan West Garo Hills aro North Garo Hills a•jarangoba World Water Day-ko Sukrobar salo maniangtokaha.
West Garo Hills-o ia World Water Day-ko PHE department-ni gita Tura-ni District Auditorium-o maniangaha aro ia salko manianio, West Garo Hills a•jani Deputy Commissioner Jagdish Chelani, mongsonggipa sokgipa ong•e bakko ra•angaha.
Ia tom•anio WGH-ni Deputy Commissioner, tom•anio bak ra•giparangna aganprakangengon, chiara a•gilsako donggipa pilaknan nangchongmotgipa ong•a ine chirangko mikkangchina ripinge rakkina gita ja•kurangko de•china pilakkon didiangaha.
Skangode jillarangosan chi pipe-rangko jakkalbattokaiachim indiba a•songo Jal Jeevan Mission-ko a•bachengatani ja•man da•o songadam nokadamrangoba 70-80 percent-ni gita nokdangrang chi pipe-rangko man•tokengaha ineba Deputy Commissioner aganaha.
Ia salko manina salsa skang, West Garo Hills-o dingtangmancha 10 K Marathon, Folk Song Competition, Essay Competition, Comic Strip Competition, Painting aro dingtang dingtang susaanirangkoba ong•atangaha aro ia susaanirango chegiparangna World Water Day-ko maniani salo Deputy Commissioner aro gipin official-rangni jakchi boksisrangko suale on•angaha.
North Garo Hills a•jaoba ia World Water Day-ko PHE department-ni gita Mendipathar Cooperative Society Hall-o maniangaha aro ia tom•anio North Garo Hills a•jani Additional Deputy Commissioner Tennystar R Marak, mongsonggipa sokgipa ong•e bakko ra•angaha.
Ia program-ko ong•anio North Garo Hills-ni ADC, jinmana aganprakengon, chirangko ripinge rakkina gita cholrangko sandianio pilakkon bakrimchina gita jolni manderangko didiangaha.
Ia tom•anio, DPMU-ni DPM Silgrak Sangma, North Garo Hills a•jao JJM-ni chu•sokaniko aganangengon, da•o dipet North Garo Hills-o 82.16 percent nokdangrangna chi pipe-rangko sokate on•na man•aha ine parakataha.
Na·simang ia video-koba nina man·gen:
Na·simang iakoba poraina man·gen: Kristian-rangko onchepa ine Cong-ni matnangani gimin sakkiko mesokchina BJP dabia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
