West Bengal, Nov 14: West Bengal-ni Chief Minister, Mamata Banerjee, Darjeeling Zoo-o dongipa Snow Leopard ba surio janggi tanggipa matchapeng aro Red Panda ba gitchakmrang dakgipa bimangni chongipa Panda-ni atchigital bi•sako bimung mingaha.
Nikki aro Prasanna minggipa gitchakmrang dakgipa bimangni chongipa Panda mangbri bi•sarangko ba•aha aro Rahala minggipa Surini matchapeng, manggni bi•sarangko ba•aha aro ia atchigital panda-ni bi•sarangko Paharia, Dream, Victory aro Hilly ine mingaha aro matchapengni bi•sarangko Charming aro Darling ine Chief Minister bimungko mingaha.
Gitchakmrang dakgipa chongipa panda aro surio janggi tanggipa matchapeng, ian gimaangenggipa matburungrang ong•a jekon, ripinge rakkina gita Darjeeling Zoo-o donenga. Indake, ia uamangni bi•sako jelroroatna gita Zoo ning•o breeding centre-o bi•sako ba•ataha.
Darjeeling Zoo jekon Padmaja Naidu Himalayan Zoological Park ineba mingachim, ian Himalayao gimaangenggipa matburungrangko jelroroatna gita bi•sa pe•atani centre-rangoni nambatsranggipa centre ong•a.
Indake ia Park-ni Director, Darjeeling-ona re•baenba ia atchigital matchapeng aro panda-ni bi•sako bimung mingchina West Bengal-ni Chief Minister-ko mol•molataha.
Na·simang ia video-koba nina man·gen:
Na·simang iakoba poraina man·gen: Seaplane Demonstration-ko ong·atanio CM bak ra·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
