Guwahati, April 6: Ram Navami ong·na skang, West Bengal-o political-ni gita so·so jengjeng ong·anirang batrorobaengon, Malda a·jani Muslim-rang tom·tom aro ku·cholsan ong·ani kattarangko gipatroroskaenga. Atkosi Muslim Committee-ni Secretary, Saif Hossain-ni dilanio, Ram Navami-na re·jomaniko pulrang, chirang aro chi·gipa cha·anirang baksa rimchaksona tarisamsoenga. Ian jatsa jatgipin ba dolsa dolgipin baksa ku·mong meli nangrimaniko rakkina miksonganio ong·a.
2026 bilsini election-na political party-rangni gisepo jera ra·grikanirang ong·engon, ian dakgipa ka·sae dakaniara saksa sakgipinna ka·saaniko mesoka. Ia ka·sae dakaniara gital katta ong·ja, iako bilsiantin uamang dakbarongenga maina Bengal-o tom·tom ong·e apsan janggi tangrimani dakbewal gnang ine Hossain talate on·angaha. Uasan ong·aigija, ua sakantikon kajia golmal ong·aoni chel·e dongenba, ka·saani aro kema ka·grikaniko basechina didiataha.
Batanggimin sal aro somoirango, Ram Navami-ni somoio neng·nikanirangko chagrongna nangahani gimin, pilak biapon tom·tom ong·aniko rakkina gita so·so jengjeng ong·na kragipa biaprango police dolrang name nirokanirangko dakenga.
Na·simang ia video-koba nina man·gen:
Na·simang iakoba poraina man·gen: 12,000 Yaba tablet-rang baksa mande saksako South Salampara Mankachar-oniko rim·a : Assam
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
