Kolkata Oct 06: Hindu-rangni bilsio dal·begipa maniani Durga Puja-ni ja·man mingsa dukni koborrangko knasoani gita, mija Butbar salo Vijayadashami-ko maniao Durga miterangko chibimao sim·bolani somoio West Bengal-ni salgrochipak mikkarang jime waanichi chirang dal·bae Mal chibimao manderangko man·pakanganio komibeoba sakchet manderangni janggi gimaaha aro adita sakrang gimaenga ine ja·pangoni koborna u·iataha.

Koborna u·iatani gitade, sianggipaoni sakbride me·chikrang ong·achim. Ia a·sel-obostara mija Butbar walni 8 ata bajimango ong·aha, jeon sak ritcha manderang Mal chibimao miterangko chio galani somoio bakko ra·tokengachim.

“Mikka-chimarangni jimanichi chibima rang·san dal·baeming manderangko man·pakangaha. Da·odipet, sakchet manderangni manggisiko man·aha aro sak 50 mangko naljokattokaha,” ine Jalpaiguri-ni District Magistrate, Ma Moumita Godara kobor ra·timgiparangna agan-talataha

A·selo adita saknagipa sak 13 manderangko sambajolo donggipa sanram biapona rimange sana-bananirangko on·enga ineba ua u·iatjolaha.