Tura, April 15: West Garo Hills District Badminton Association, Hawakhana-o donggipa Indoor Sports Hall-o tom·bimonganiko ong·atenba, 2025 bilsioni 2028 bilsiona office-o kam ka·na gital member-rangko seokaha.
Sujeet P. Marak-ko President-na aro Walsang N Sangma-ko General Secretary-na seokaha. Indake ong·engon, Bomverce Ch Marak-ko Working President-na, Sobin K Sangma aro Derlowekid R Marak-ko Vice-President-rangna, Walshall M. Momin-ko Assistant General Secretary-na, Andyberth G Sangma, Brainygo K Marak aro Mark Ch. Momin-ko Joint Secretary-rangna, Salrak N Marak-ko Organising Secretary-na, Vikas Chongtham-ko Publicity Secretary-na, Bongachang R. Marak-ko Assistant Publicity Secretary-na aro Bandi W. Momin Treasurer-na sokangaha.
Iano Executive Member-rangna seokako man·giparangara, Kennedy S Marak, Tengchong M Sangma, Omet G Momin, Larry G Momin, Rev. Nikki A Sangma, Carlos D Sangma, Gary Standley K. Marak, Chirang Agarwal, Mikkim J Sangma, Gitchiak Bregim A Sangma aro Snesdonee Ch Marak ong·a.
Iano Advisory-na seoka man·gipa Member-rangara, Proley M. Sangma, Coffpelsil R. Marak, Bhuto Tingring R. Marak, Rikrak Ch. Momin, Hasluck Sengkam D. Shira, Neil Armstrong D. Shira, Sengrang D. Shira, Tumba Ch. Marak aro Arup Nag ong·a.
Association-ni gita kal·susaanirangko ra·dona dakchakahanina, District Sports Officer (DSO)-ko mitelpilani aro mande ra·ani gita DSO-ko Chief Patron dakatna tik ka·angaha.
General Secretary, Walsang N. Sangma, gitcham committee-ni member-rang baksana, da·o Advisor-na seokako man·skaagipa aro gitcham General Secretary Rikrak Ch. Momin-ko de·mitelangaha. Ua a·jao badminton-ko ra·dona mikkangchi kamrangko ka·angkugen ine ku·rachakaniko dakangaha.
Advisor Proley M Sangma, gital seoka man·gipa member-rangko mikkang nitea gri, darangnan donuagri name kamrangko ka·china gita ku·pattianiko on·angaha.
Rikrak Ch. Momin, jinmana didiani kattarangko aganenba, Association-na chakpaaniko on·a ku·rachakani kattarangko aganenba tom·bimonganiko matchotataha.
Na·simang ia video-koba nina man·gen:
Na·simang iakoba poraina man·gen: Deworming Driveko South West Garo Hills-o a·bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
