Jowai, Oct 19: South West Jaintia Hills a·jani Khliehtyrshi-o gital rikgipa District Session Court-ko Bristibar salo, a·dokni dakchakgipa skotong minister Pa Sniawbhalang Dhar, Meghalaya High Court-ni Judge-rang Justice H. S Thangkhiew, Justice W.Diengdoh aro Additional judge, Justice B. Bhattacharjee-maang gimikni dongpaanio Meghalaya High Court-ni Chief Justice, Justice Sanjib Banerjee, nokdonggae on·angaha aro iako nokdonggae on·ani somoio ia gitalgipa kachariko a·jao a·bachengate on·aniko gisik ra·na gita rong·plengkoba oprake on·angjolaha.
Ia Session Court-ko nokdonggae on·ani somoio Meghalaya High Court-ni Chief Justice, ka·mabatgipa gadangoni kakket bichalrangko ka·e on·anio ia kacharini kam ka·gnirangni gimin aganenba, aino pangchake manderangna gong·rakbate aro kakket bichalko on·anio gamchatani giminba japangan baksa, songdonggipa sakantini bilrang aro jakgitelanirangko naljoke rakkianio kacharini kam ka·anirangkoba ua agan-janapangjolaha.
Uni agananio, dingtang dingtang mamlarangko ja·donggatani gri bichalko ka·e on·na man·na gita, ia gitalgipa kachariko a·jao a·bachengate on·anina a·dok sorkari, district adminitration, judiciary-koba dingtangmancha mittelpilangaha. Ia pangkamgipa kachariko, chu·gimik gong kror 35,89,82,000 mang chamatgipa tangkarangchi acre 11.162 mang ong·gipa biapo rikataha.
Ia District session court-ko nokdonggae on·ani somoio joltangni MLA Pa Wailadmiki Shylla, Law Department-ni Secretary Pa Cyril Diengdoh, a·jani DC Pa B.S Sohliya, Superintendent of Police, C. Syrti, Meghalaya High Court-ni Registrar General, E. Kharumnuid aro Bar Association-ni memborrang gimikan dongpatokaha.
Iakoba poraie nina man·gen: GSU-EZ election-na scrutiny dakanio candidate-rangni lekkarango chu•onggijaniko man•a
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
