Shillong, Oct 31: Bristibar salo, North East Adventist University (NEAU), West Jaintia Hills a•jani Khliehtyrchi-o donggipa University Campus-o National Unity Day-ko manidilangaha.
Ia National Unity Day-ko ma•mong sorkari, ‘India-ni Iron Man’ ine mingako man•gipa Sardar Vallabhbhai Patel-ni atchiani salko gisik ra•ani bak gita 2014 bilsio a•bachengatahachim.
Ia salko manianio, Arts & Culture department-ni Principal Secretary FR Kharkongor, mongsonggipa sokgipa ong•e, university-o kam ka•giparangna, chatro chatrirangna aro ma•a paarangna aganprakengon, bilsi 20-mangna skang ua ia university-ni library-ko nokdonggae on•na re•baahachim ine gisik ra•atpilangenba, ia university da•o namroro silrorobatna man•aha ine parakangaha.
Dingtang dingtang a•dokrangko ku•cholsan ong•atna Sardar Vallabhbhai Patel rakbee kamko ka•ahani a•selsa da•alo India a•song ku•cholsan ong•enga ineba Kharkongor aganaha.
Ia National Unity Day-ko manianio, salgro salaram jolo donggipa dingtang dingtang jatrangni chrokani, jekai Tripura a•dokni Kaipeng chrokani, Garorangni Wangala chrokani, Mizoram-ni Chawnglaizawn aro Cheraw chrokani, Assam-ni Bagurumba chrokani, Manipur-Nagaland-ni Anal Naga chrokani aro Khasi-Pnar jatrangni Chaad Thma aro Chaad Pliang chrokanirangkoba nikangna man•aha.
Ia salko manianio National Unity Day Pledge ba ku•mikchetanikoba dakangaha.
Na·simang ia video-koba nina man·gen:
Na·simang iakoba poraina man·gen: Mukla Raij UP School-ni bilsi 50 gapaniko mania
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
